Тибқи дастури Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон бо мақсади амалигардонии “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” дар коллеҷи техникии ДТТ ба номи академик М.Осимӣ аз 14 ум то 18-уми октябри соли 2024 даври якуми Олимпиадаи ҷумҳуриявӣ байни донишҷӯёни Коллеҷи техникӣ баргузор карда шуд.
Даври аввали (муассисавии) Олимпиада дар коллеҷи техникӣ бо иштироки фаъолонаи донишҷӯён бомуваффақият ва дар сатҳи баланд баргузор гардид. Донишҷӯён аз фанҳои математика, биология, химия, физика ва информатика донишу малакаҳои худро нишон доданд. Дар даври муассисавии Олимпиада аз руйи 5 фанни дар боло зикршуда зиёда аз 100 нафар донишҷӯён иштирок намуданд.
Ҳайати комиссия рафти баргузории Олимпиадаро назорат намуда, ба дониши назариявӣ ва амалии иштирокчиён баҳогузорӣ ва ғолибонро барои иштирок дар даври ҷумҳуриявӣ
муайян намуданд.
Ғолибони даври якуми Олимпиадаи фанҳои дақиқ аз коллеҷи техникӣ донишҷӯёни зерин эълон гардиданд:
- аз фанни Математика – Қодирӣ Абдуқодир Одина донишҷӯи курси 4-уми ихтисоси 2-400101-33 (4-сола), факултети сохтмон ва технологияи иттилоотӣ;
- аз фанни Биология – Фозилова Сафия Иноятуллоевна – донишҷӯи курси 1-уми ихтисоси 2-2501321(4-сола), факултети муҳандисию иқтисодӣ;
- аз фанни Химия – Яқубова Насиба Кароматуллоевна – донишҷӯи курси 1-уми ихтисоси 2-250132 (4-сола), факултети муҳандисию иқтисодӣ;
- аз фанни Физика – Сайдуллоев Ҳасан Азаматович – донишҷӯи курси 1-уми ихтисоси 2-360101 (4-сола), факултети энергетика ва нақлиёт;
- аз Фанни Информатика- Нуриддинзода Фирдавс Салоҳиддин – донишҷӯи курси 3-юми ихтисоси 2-400102 (4-сола), факултети сохтмон ва технологияи иттилоотӣ.
Санаи 19.10.2024 дар толори Шӯрои олимон аз тарафи раёсати илм ва инноватсия даври аввали олимпиада ҷамъбаст гардида, ғолибон бо ифтихорномаи раёсати коллеҷ қадрдонӣ гардиданд.
Ҷиҳати иштирок намудан ба даври ҷумҳуриявии Олимпиада рӯйхати ғолибон ба Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон пешниҳод карда шуд.
