27-уми ноябри соли ҷорӣ, дар асоси нақшаи чорабиниҳои Кумитаи иҷроияи ҲХДТ дар ноҳияи Шоҳмансур бахшида ба таҷлили 30-солагии таъсисёбии ҲХДТ, дар ташкилоти ибтидоии “Навовари ҷавон”-и Коллеҷи техникии Донишгоҳи техникии Тоҷикистон ба номи академик М.Осимӣ бо иштироки намояндаи Кумитаи иҷроияи ҲХДТ дар ноҳияи Шоҳмансур – Сироҷов Сорбон, муовини раиси ташкилоти ибтидоии “Навовари ҷавон” -Раҳимов Рустам, аъзои намояндагии ТҶҶ “Созандагони Ватан” дар ноҳияи Шоҳмансур – Баҳромзода Фариддун ва донишҷӯёни Коллеҷи мазкур хониши сиёсӣ дар мавзӯи “30 қадами устувор бо Ҳизби Халқии Демократии Тоҷикистон” баргузор гардид.
Зимни баргузории хониши сиёсии мазкур баромадкунандагон, оид ба нақш ва мақоми Ҳизби Халқии Демократии Тоҷикистон ҳамчун ниҳоди муҳими идеологиву сиёсӣ дар бунёд ва ташаккули давлатдории миллии тоҷикон суханронӣ намуда, ҷойгоҳи онро дар роҳи муттаҳидсозии ҷомеаи Тоҷикистон атрофи як андеша ва як шиор, ки он ҳам номи гирфтааст “Барои рушди устувори иқтисодӣ ва зиндагии шоистаи мардум”, бориз арзёбӣ намуданд.
Ҳамзамон, дар идомаи хониши сиёсӣ оид ба ҳифзу ҳимояи манфиатҳои миллӣ дар раванди ҷаҳонишавӣ, тарбияи дурусти ҷавонон дар роҳи ватандӯстиву хештаншиносӣ, баланд бардоштани иродаи сиёсии мардум, дастгирии сиёсати бомарому созандаи Пешвои миллат, Раиси муаззами ҲХДТ муҳтарам Эмомалӣ Раҳмон, омӯзиши илму маърифат, таҳким бахшидани худогоҳии миллӣ, ҳимояи марзу буми Ватан, таҳкими суботи сиёсӣ дар раванди мураккаб гардидани вазъи сиёсии ҷаҳон, ҳифзи Истиқлолияти давлатӣ ва амсоли инҳо ибрози назар гардид.
