ПЕШВОИ МИЛЛАТ – ЭҲЁГАРИ ДАВЛАТӢ СОҲИБИСТИҚЛОЛ

Дар таърихи навини халқи тоҷик Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон шахсиятест, ки на танҳо дар ташаккулу таҳаввули таърихи давлатдории тоҷик ва ҳастии имрӯзу фардои Тоҷикистон, балки барои эҳё намудани падидаҳои неку анъанаҳои волои фарҳангии ниёгонамон хизматҳои барҷаста кардааст.

Пешво маънои роҳнамо ва сардорро дорад, пешвои халқ будан ин орзуи ҳамешагии инсон аст. Аммо на ба ҳар кас тай намудани ин роҳи душвору хатарнок муяссар мегардад. Барои расидан ба ин мақоми олӣ донишу заковат, қавииродагиву мардонагӣ мебояд. Танҳо шахсиятҳои бофазлу боирода ва худогоҳ ба ин мартаба мерасанд.

Бар асари пош хӯрдани Иттиҳоди Шӯравӣ муддате фазои сиёсии кишварҳои воҳид ноором гашта ҳаводиси ҳузнангезеро ба миён овард. Мутаасифона Тоқикистон ба гирдоби низоъ афтода дар кишвар бесарусомонӣ сар зад. Ҳазорон сокинони кишвар ба мамолики дуру наздик гуреза шуда, Ватани аҷдодии худро тарк намуданд. Фазои сулҳу субот аз байн рафт. Хатари аз байн рафтани давлат ва қисм қисм шудани он низ ба назар мерасид.

Хушбахтона, ба воситаи нури офтоби маърифати миллат охирон умед дар дили азияткашидаи халқи тоҷик зинда монда, оқибат алайҳи шоми сияҳ пирӯз гаштанд. Таъкид бояд кард, ки офтоббахши миллат – ин Иҷлосияи 16 – уми Шурои Олии Ҷумҳурии Тоҷикистон мебошад. Дар Иҷлосия ба раиси Шӯрои Олӣ яъне Эмомалӣ Раҳмон ваколати сарварии давлат дода шуд, ки бо дарки баланди миллӣ, номуси ватандорӣ, дар такя ба халқи азизаш роҳи минбаъдаи давлатро муайян намояд. Ба ҳамин мақсад фаъолияти худро аз оштии миллӣ, авфи умум, халъи силоҳ, баргардонидани гурезаҳо ва таълими ҳуқуқи инсон шуруъ намуда, дар андак вақт назми ҷомеаро барқарор созад. Ба андешаи ман ин марди сиёсатмадору ҷасур, поквиҷдону далер аз рӯзи ба сари давлат омадан, ҷомаи нангу номус ба бар карда, тамоми неруи ҷисмонӣ ва ақлонии хешро дар роҳи наҷот расонидааст. Ба ин хотир, Президенти Ҷумҳурии Тоҷикистон, муҳтарам Эмомалӣ Раҳмон барои халқи тоҷик Асосгузори сулҳу ваҳдати миллӣ – Пешвои миллат эътироф шудааст.

Шукри ваҳдат, шукри бахти пойдор,

Пешво дорем, дорем ифтихор.

Бемалол аз заҳмати пайвастааш,

Гул-гулафшон аст меҳан чун баҳор.

Тоҷикистон ба мулки озоду обод, ба кишвари бузургони равшанзамир ва ватандӯст табдил ёфтааст. Зеро, Ҷаноби Олӣ, Пешвои воқеии миллат тавонистанд ҳамчун Сиёсатмадори матҳи ҷаҳонӣ ба ақлу заковат ва давлатдории хирадмандони худ ба шоистагии тамом Тоҷикистонро дар саросари курраи замин муаррифӣ намоянд.

Рушду тарақиёте, ки дар тули 33 соли соҳибистиқлолӣ ба заҳматҳои шабонарузии Пешвои миллат муҳтарам Эмомалӣ Раҳмон ба даст омадааст, ҷаҳони муосирро ба ҳайрат овард. Маҳз хидматҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоқикистон Эмомалӣ Раҳмон буд, ки Тоҷикистон аз вартаи ҷанги шаҳрвандӣ берун шуд ва миллати парокандаи он дубора соҳибватан гардид ва мебояд ба қадри ҳама заҳматҳову меҳнатҳои ин абармарди хирад расид ва мебояд барои ҳифзу таҳкимаш пайваста таллош варзем.

Бо боварии комил гуфтаметавонем, ки таҳти сиёсати хирадмандонаи Пешвои муаззами миллат муҳтарам Эмомалӣ Раҳмон ҳар гӯшаву канори диёри мо ободу зебо бо рушди бесобиқа вусъати тоза мегирад, ки аз ин хурсандии мо беҳаду канора аст. Мо бо Пешвои муаззами миллат муҳтарам Эмомалӣ Раҳмон ифтихор мекунем.

Эй ҷону дил мунаввар, эй сўи нур раҳбар,

Аз ту зиё гирифта аҳли зиёи Миллат.

Эй раҳнамои ахтар андар самои даврон,

Эй дилфидои Миллат, эй љонфидои Миллат.

Шуд пеши роҳи Миллат во аз ту сўи давлат,

Пеши раҳи ту во бод, эй Пешвои Миллат!

(Низом Қосим)

Холиқназар Азимов,       муовини директор оид ба илм ва инноватсия