Санаи 02.10.2024 дар толори шурои олимони Коллеҷи техникии Донишгоҳи техникии Тоҷикистон ба номи академик М.Осимӣ тибқи нақшаи чорабиниҳои раёсати илм, инноватсия ва робитаҳои хориҷӣ роҷеъ ба шарҳу тавзеҳи суханронии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Мубоҳисаҳои 79- уми Маҷмааи умумии Созмони Миллали Муттаҳид ҳамоиш баргузор карда шуд.
Ҳамоишро муовини директор оид ба илм ва инноватсия Азимов Холиқназар оғоз намуд. Бояд тазаккур дод, ки амалӣ намудани нуқтаҳои асосии суханронӣ ва дастуру ҳидоятҳои роҳбари давлат барои баланд бардоштани таъмини сулҳу субот дар ҷомеа, буҳронҳои иқтисодию молиявӣ, гармшавии бесобиқа бар асари тағйирёбии иқлим ва талафоти гуногуни биологӣ, паҳншавии бемориҳои сироятӣ, дарёфти рафъи монеаҳо дар самти маблағгузории рушд, раванди Душанбе оид ба мубориза бо терроризм, технологияхои рақамӣ ва зеҳни сунъӣ мусоидат мекунад.
Зимни ҳамоиш мудири кафедраи фанҳои гуманитарӣ Азизмамадова Зулфия ва мудири бахши робитаҳои хориҷӣ Ҳакимов Зайиржан ва омӯзгорон ақидаҳои худро иброз намуда ҳамоиширо ҷамъбаст намуданд.
