Кафедраи иқтисодиёт ва идора

Кафедраи Иқтисодиёт ва идора

Фаъолияти кафедраи иқтисодиёт ва  идораи коллеҷи техникии ДТТ ба номи академик М.Осимӣ дар асоси талаботҳои меъёрию ҳуқуқӣ ва Қарорҳои Ҳукумати Ҷумҳурии Тоҷикистон, Қонунҳои Ҷумҳурии Тоҷикистон «Дар бораи маориф», «Дар бораи муассисаҳои таҳсилоти миёнаи касбӣ», «Оиннома»-и коллеҷи техникии ДТТ ба номи академик М.Осимӣ ва «Низомнома»-и кафедра  ба роҳ монда шудааст.

Кафедраи  иқтисодиёт ва  идора дар сохтори  коллеҷи техникии ДТТ ба номи академик М.Осимӣ аз соли 1997  ташкил карда шудааст.

Мудири кафедра муаллими калони кафедра Ѓуломесуфов Нусайрӣ Мамадэсупович ба зима дорад.

Ҳаҷми коре, ки кафедра дар соли таҳсили 2023-2024 иҷро мекунад 5100  соат, 9 воҳиди кориро ташкил медиҳад,  ки аз ин 3278 соат дар шуъбаи рузона, 600 соат дар шуъбаи ѓоибона ва 822 соат дар Шуъбаи таҳсилоти  ибтидоӣ хонда мешавад, ки 2200 соатҳои лексионӣ мебошад.

Аз ҳаҷми умумии корҳои таълимӣ 3500 соатро омӯзгорони асосӣ, иҷро мекунанд, ки 3300 соати он аудиторӣ мебошанд, 800 соат омӯзгорони ҳамкори дохила ва  ҳамкори беруна иҷро мекунад ва 400 соат вакансия (180 соати фаъол ва 220 соат аз ҳисоби рисолаи дипломӣ ва  таҷрибаомӯзӣ) мебошад.

Кафедраи  иқтисодиёт ва идораи  коллеҷи техникии ДТТ ба номи академик М.Осимӣ аз руи ду ихтисос мутахассисон тайёр карда мекунад

2-27013127 – Иқтисодиёт ва таъмини ҳуқуқи соҳибкорон ( баъди синфи 11, мӯҳлати таҳсил 3 сол)

2-27013127 – Иқтичодиёт ва таъмини ҳуқуқи соҳибкорон  ( баъди синфи 9, мӯҳлати таҳсил  4 сол)

2 – 270131 05 – Иқтисодиёт ва ташкили истеҳсолот дар корхонаҳои нақлиёти автомобилӣ

2-25011005 – Фаъолияти тиҷоратӣ дар  корхонаҳои  мошинсозӣ

2-250110 06 – Фаъолияти тиҷоратӣ дар нақлиёт ва коммуникатсия

2-250110 16 – Фаъолияти тиҷорати дар саноати масолеҳи сохтмонӣ

2-270131 04 – Иқтисодиёт ва ташкили истеҳсолот дар корхонаҳои  мошинсозӣ

2-270131 19 – Иқтисодиёт ва ташкили истеҳсолот дар корхонаҳо  ва саноати сабук

2-270131 13 – Иқтисодиёт ва ташкили истеҳсолот дар корхонаҳои  энергетикӣ

Маълумоти мухтасар оиди ихтисосҳои дар кафедра амалкунанда.

         Ихтисоси 2-25013104 –маблағгузорӣ ва комплексҳои агросаноатӣ, самти фаъолияти касбӣ бо тахассусӣ иқтисодчӣ дар комплекси агросаноатӣ мебошад. Объекти фаъолияти касбӣ, иқтисодчӣ, маблағгузорӣ ба комплекси агросаноатӣ, яъне соҳаи кишоварзӣ аз он ҷумла боғутокпарварӣ, пахтакорӣ, зироаткорӣ, пиллапарварӣ, асалпарварӣ мебошад.

         2 – 270131 05 «Иқтисодиёт ва ташкили истеҳсолот дар корхонаҳои нақлиёти автомобилӣ» –  Самти фаъолияти касбии мутахассиси 2-270131 05 «Иқтисодиёт ва ташкили истеҳсолот дар корхонаҳои нақлиёти автомобилӣ» бо тахассуси техник-иқтисодчӣ, таҳлили фаъолияти молиявию хоҷагидории корхонаҳои нақлиётӣ, коркарди ҳуҷҷатҳои меъёрию- техникӣ, системаҳои стандартӣ, усулҳо, воситаҳои озмоишӣ ва санҷиши сифати батартибдарории онҳо, усулҳо ва намудҳои фаъолият, самти тафтишот, интихоб намудани роҳи самаранокӣ  барои таъмини сифати маҳсулоти истеҳсолшударо дар бар мегирад. Намуди фаъолияти касбии 2-270131 05  ташкилӣ-идоракунӣ, банақшагирӣ-иқтисодӣ, лоиҳавӣ-иқтисодӣ, молиявӣ-иқтисодӣ, таҳлилӣ, иқтисоди бурунмарзӣ ва соҳибкорӣ мебошад

          2 – 270131 27  «Иқтисодиёт ва таъмини ҳуқуқи соҳибкорон» – Самти фаъолияти касбии мутахассиси 2 – 270131 27  «Иқтисодиёт ва таъмини ҳуқуқи соҳибкорон»  бо тахассуси техник- иқтисодчӣ барномасоз МЕҲ, системаҳо ва шабакаҳо, системаи автоматонидашудаи коркарди маълумот ва идора, системаҳои автоматонидашудаи лоиҳакашӣ, таъминоти барномавии техникаи ҳисоббарор ва системаҳои автоматонидашударо дар бар мегирад.  Объектҳои фаъолияти касби техник-барномасоз  ташкилӣ-идоракунӣ, банақшагирӣ-иқтисодӣ, лоиҳавӣ-иқтисодӣ, молиявӣ-иқтисодӣ, таҳлилӣ, иқтисоди бурунмарзӣ ва соҳибкорӣ, ташкилӣ ва таъминоти ҳуқуқии соҳибкорӣ  мебошанд

         2-25011005 – «Фаъолияти тиҷоратӣ дар  корхонаҳои  мошинсозӣ»  Самти фаъолияти касбии мутахассиси  2-25011005 – «Фаъолияти тиҷорати дар  корхонаҳои  мошинсозӣ»  бо тахассуси техник-иқтисодчӣ, таҳлили фаъолияти молиявию хоҷагидории корхонаҳои мошинсозӣ, таъминоти фаъолияти истеҳсолӣ, сармоягузорӣ ва тиҷоратии корхонаҳо бо маблаѓҳои молиявӣ (пулӣ), муайян кардани роҳҳои самараноки сармоягузорӣ ва баҳо додан ба истифодабарии манфиатнокии сармоягузорӣ,  муайян кардани захираҳои дохилихоҷагии афзоиши фоида ва сатҳи фоиданокӣ  аз ҳисоби истифодаи сарфакоронаи воситахои пулӣ,  назорат аз болои вазъи молиявӣ ва фаъолияти тиҷоратии корхона дар бар мегирад. Объектҳои фаъолияти касбии 2-           25011005 – «Фаъолияти тиҷоратӣ дар  корхонаҳои  мошинсозӣ» тиҷоратӣ-идоракунӣ, банақшагирӣ-иқтисодӣ, лоиҳавӣ-иқтисодӣ, молиявӣ-иқтисодӣ, таҳлилӣ, иқтисоди бурунмарзӣ ва соҳибкорӣ мебошад

            2-25011006 – «Фаъолияти тиҷоратӣ дар нақлиёт ва коммуникатсия» – Самти фаъолияти касбии мутахассиси 2-250110 06 – «Фаъолияти тиҷоратӣ дар нақлиёт ва коммуникатсия»  бо тахассуси техник-иқтисодчӣ, таҳлили фаъолияти молиявию хоҷагидории корхонаҳои нақлиётӣ, коркарди ҳуҷҷатҳои меъёрию- техникӣ, системаҳои стандартӣ, усулҳо, воситаҳои озмоишӣ ва санҷиши сифати батартибдарории онҳо, усулҳо ва намудҳои фаъолият, самти тафтишот, интихоб намудани роҳи самаранокӣ  барои таъмини сифати хизматрасонро дар бар мегирад. Намуди фаъолияти касбии 2-250110 06  ташкили фаъолияти тиҷоратии корхона, ҳамкорӣ бо корхонаҳои дигар, ташкилӣ-идоракунӣ, банақшагирӣ-иқтисодӣ, лоиҳавӣ-иқтисодӣ, молиявӣ-иқтисодӣ, таҳлилӣ, иқтисоди бурунмарзӣ ва соҳибкорӣ мебошад

           2-250110 16 – Фаъолияти тиҷорати дар саноати масолеҳи сохтмонӣ- Самти фаъолияти касбии мутахассиси 2-250110 16 – Фаъолияти тиҷорати дар саноати масолеҳи сохтмонӣ  бо тахассуси техник-иқтисодчӣ, таҳлили фаъолияти молиявию хоҷагидории корхонаҳои нақлиётӣ, интихоби шаклҳои ташкилии нисбатан самараноки корхонаҳои тиҷоратӣ ва воҳидҳои таркибии он, идоракунии ҷараёнҳои технологӣ, идоракунии ҷараёни хизматрасонӣ ба харидорон,  идоракунии кормандони корхонаҳои тиҷоратӣ, идоракунии гардиши мол, идоракунии даромади корхонаҳои тиҷоратӣ, идоракунии хароҷоти муомилот ва идоракунии фоидаи корхонаҳои тиҷоратӣ дар бар мегирад. Намуди фаъолияти касбии 2-250110 16 – Фаъолияти тиҷорати дар саноати масолеҳи сохтмонӣ  дар вазорату идораҳое , ки  ба  корҳои сохтмону васлкунӣ, сармоягузорӣ сару кор  доранд, ташкил ва идоракунӣ дар  сохтмон,  мебошад.

           2-270131 19 – Иқтисодиёт ва ташкили истеҳсолот дар корхонаҳо  ва саноати сабук – Самти фаъолияти касбии мутахассиси  2-270131 19 – Иқтисодиёт ва ташкили истеҳсолот дар корхонаҳо  ва саноати сабук бо тахассуси техник-иқтисодчӣ роҳбарикунандаи раванди иқтисодӣ, истеҳсолот ва рушди иҷтимоии ҳамаи соҳаҳои мушаххаси соҳавӣ бо назардошти шаклҳои ташкили ҳуқуқӣ, техника, технология, ташкили истеҳсолот, истифодаи самараноки он дар вазифаи ишѓолшуда, ки маълумоти миёнаи касбии иқтисодиро талаб мекунад. Хатмкунандагон аз рӯи ихтисоси  2-270131 19 – Иқтисодиёт ва ташкили истеҳсолот дар корхонаҳо  ва саноати сабук  ба сифати мутахассис оид ба корҳои ташкилӣ, мутахассиси шуъбаи ташкили истеҳсолот, мутахассиси шуъбаи нақшавӣ-иктисодӣ, мутахассиси шуъбаи лоиҳакашӣ-инвеститсионӣ дар корхонаҳои истеҳсолии саноати сабук ва дигар корхонаи тиҷорати фаъолият бурда метавонанд.

        2-270131 13 – Иқтисодиёт ва ташкили истеҳсолот дар корхонаҳои  энергетикӣ – Самти фаъолияти касбии мутахассиси  2-270131 13 – Иқтисодиёт ва ташкили истеҳсолот дар корхонаҳои  энергетикӣ бо тахассуси техник-иқтисодчӣ, ки ченкунӣ, коркард ва пешниҳод намудани ахборот оид ба сарфкунии қувваи барқ  дар субъекти муайяни хоҷагидорӣ, ахбороти фаъолияти хоҷагидорӣ  бо роҳи қайдкунии нишондиҳандаҳо барои истифодабарии минбаъдаи қувваи барқ,  идоракунии ҷараёни хизматрасонӣ ба муштариён,  идоракунии идоракунии даромади корхонаҳои энергетикӣ, идоракунии хароҷоти муомилот ва идоракунии фоидаи корхонаҳои энергетикӣ дар бар мегирад.

Дар кафедраи иқтисодиёт ва идора аз руи нақшаи таълим аз 19 фанни таълимӣ , ки дар зер оварда шудаанд ба донишҷӯён омӯзонида  мешаванд.

1. Банақшагири дар корхона
2. Баҳодиҳии иқтисодии лоиҳаҳои инвеститсионӣ
3. Идоракунии ҳайати кормандон
4. Идоракунии сифат ва сертификатсия
5. Иқтисоди корхона
6. Иқтисоди соҳа
7. Иқтисодиёт ва идора дар сохтмон
8. Иқтисодиёт ва менеҷмент
9. Иқтисодиёти берунмарзӣ
10. Иктисодиёти истеҳсоли мошинсозӣ
11. Иқтисодиёти корхона ва нақлиёт
12. Иқтисодиёти телекоммуникатсия ва менеҷмент
13. Иқтисодиёти энергетика ва менеҷмент
14. Маркетинг
15. Муққадимаи ихтисос
16. Танзими давлатии иқтисодиёт
17. Этикаи касбӣ
18. Менеҷмент
19. Ташкили меъйр ва пардохти музди меҳант

Маълумотнома оид ба ҳамкории кафедраи иқтисодиёт ва идора бо корхонаҳо (муассисаҳо) барои  гузаронидани дарсҳои амалӣ ва  таҷрибаомӯзӣ

Барои  самаранок ба роҳ мондани раванди таҷрибаомӯзӣ ва тайёр намудани мутахассисони дар бозори меҳнат ҷавобгӯ, кафедраи иқтисодиёт ва идора  бо корхонаҳои дар зер оварда шуда шартномаи тарафайн оиди гузаронидани таҷрибаомӯзи баста, баъди  пурра ба итмом расонидани  барномаи  таълимӣ  донишҷӯёнро ба ин корхонаҳо барои гузаронидани таҷрибаомӯзи сафарбар менамоем.

1.Вазорати нақлиёти ҶТ ва зерсохторҳои он.

2.КВД “Душанбенақлиётхадамотрасон”

3.ККВД “Автобус 1”

4. ҶСП “Спитомен Бонк”
5. БДА “Амонатбонк”

6.МД “Нақлиёти автомобилӣ ва хизматрасонии логистики”

7.Вазорати саноат ва технологияи нав

8.Шуъбаи маорифи н. Шоҳмансур

9 ККВД “Автобус 2”

10 ККВД “Автобус 3”

Барои  самаранок ба роҳ мондани раванди дарс истифода бурдани технологияи иттилоотӣ (проектор ва доскаи электорнӣ) ва аёниятҳо мувофиқи мақсад мебошад.

Бо ташаббуси  кафедраи  иқтисодиёт ва идора се синфхонаи фаннӣ ташкил карда шудааст, ки донишҷӯён ва омӯзгорон аз ин синфхонаҳо самаранок истифода мебаранд.