Санаи 25.10.2024 дар толори китобхонаи коллеҷи техникии ДТТ ба номи академик М.Осимӣ аз тарафи омӯзгорон хониши сиёсии асарҳои Пешвои миллат баргузор гардид.
Мавриди зикр аст аст, ки тибқи фармоиши Раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон аз 7 октябри соли 2024, №276 соли таҳсили 2024-2025 “Соли хониши асарҳои Пешвои миллат муҳтарам Эмомалӣ Раҳмон” эълон гардидааст.
Оид ба масъалаи мазкур дар коллеҷи техникӣ пайваста маҳфилҳои илмӣ, мизҳои мудаввар баргузор мегардад. Айни замон дар китобхонаи муасссиса гушаи асарҳои Пешвои миллат муҳтарам Эмомалӣ Раҳмон ташкил гардида барои мутолиа дастраси ҳамагон аст.
Бояд қайд кард, ки дар натиҷаи мутолиаи асарҳои ҳикматбори Пешвои миллат ба монанди «Тоҷикон дар оинаи таърих», «Тоҷикистон дар остонаи фардо», «Ҷавонон ояндаи миллат», “Тоҷикон дар оинаи таърих”, “Аз Ориён то Сомониён”, «Истиқлолият неъмати бебаҳост», «Тоҷикистон: даҳ соли истиқлолият, ваҳдати миллӣ ва бунёдкорӣ», «Истиқлолияти Тоҷикистон ва эҳёи миллат», «Сарнавишти миллати соҳибтамаддун», «Мероси Имоми Аъзам ва гуфтугўи тамаддунҳо», «Чеҳраҳои мондагор», дидгоҳу тафаккури миллӣ дар қалби ҷавонон бедор гашта, шахсро ба худшиносиву худогоҳӣ ва ватандӯстиву меҳанпарастӣ бештар ҷалб мекунад.
