Пешвои мо, ки барҳақ ифтихори миллат аст!
Қуввату зӯру мадору иқтидори миллат аст!
Шуд хамӯш аз мақдами ӯ оташи ҷонсӯзи ҷанг,
Чун Таҳамтан, шабчароғи шоми тори миллат аст!
Дар сахо чун Ҳотаму дар адл чун Нушервон,
Аз баландии матонат нангу ори миллат аст!
НОБ-и Роғун иззу ҷоҳи тозааш бахшидааст,
Дар пайи созандагӣ, фасли баҳори миллат аст!
Дар нафасҳояш ниҳон гӯё дами Исо бувад,
Баҳри дафъи ҳар балое дар канори миллат аст!
Парчами ковии миллат бар само афрохта,
Шаҳсавори аспи давлат, шаҳриёри миллат аст!
Бо дуои модари тоҷик бимонад ҷовидон,
Тахту бахташ, ки ба дунё эътибори миллат аст!
НУРИНИССО Акрамова, мудири бахши фарҳанг
