Бо мақсади рушди ҳамкориҳои хориҷӣ бо мувофиқаи Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон санаи 04.10.2024 менеҷери рушди тиҷорати NALIKE International Education-и Ҷумҳурии Халқии Чин, хонум Чжан Лу ба коллеҷи техникии ДТТ ба номи академик М.Осимӣ ташриф овард.
Дар рафти вохӯри хонум Чжан Лу иброз дошт, ки дар доираи ҳамкориҳои байналмилалии лоиҳаҳои ширкати мазкур омодаанд ба коллеҷи техникии ДТТ ба номи академик М.Осимӣ ҷиҳати таъсис додани озмоишгоҳҳои муштарак ва устохонаҳои таълимӣ дар самти мошинсозӣ, зеҳни сунъӣ, самти нақлиёту металлургия, таҷҳизотҳои тиббӣ, телекоммуникатсия ва энергетика ҳамзамон ҷиҳати нашри китобҳои дарсӣ, омӯзиш ва такмили ихтисоси омӯзгорон, таҳияи барномаи таълимӣ ҷиҳати рушди платформаи таълими рақамӣ, баргузории конференсияҳои байналмиллалӣ ва дигар лоиҳаҳо, ҳамкориҳоро ба роҳ монанд.
Ёдовар мешавем, ки байни Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон ва ширкати тиҷорати NALIKE International Education-и Ҷумҳурии Халқии Чин ёддошти ҳусни тафоҳум ба имзо расидааст, ки муассисаҳои зертобеи он метавонанд дар доираи шартномаи мазкур, ҳамкориҳои судмандро ба роҳ монанд.
